|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الخميس  17  / 4 / 2014                                 ئاشتي                                   كتابات أخرى للكاتب على موقع الناس
		ليلة وحشه * ئاشتي إلى روح صديقي خالد عبيد   ليله وحشه وگمر سد بيبان ضوياته ورحل ماخذ وياه حزن باچر خايف ايبين عله ارموشه غلط فرحة كحل شايل بچفه سفينة حلم باچر اتناحر الريح بصدرهه وشايل بروحه فرح مثل الطفل يرتوي بچلمة محبه ويحمل اهمومه غصن رمان تتراگص عليه كل العصافير الزغيره وهو يضحك، هانا تضحك، والغصن من فيض ضحكاته ثمل يا گمر يمسافر بسكته أخذني وياك هو العمر يسوه بدون ضحكاتك الحلوه تشتعل بيه موده وانه بيهه بشوگ عاشگ انطفي مره والف مره اشتعل ردت اگلك غلبتني بهاي خالد سافرت گبلي وعفتني وتيهتني ويا مسافة حزن تحجي اجروح گلبي ويا جرح بيهن عدل وانته تدري اجروحي سهسهه الوكت بس يا حسافه تسافر انته بحزن وحدك وانه واجروحي أظل صبخة حماد لا نفع كل فيض بيهه ولا تهنه بفیهه خل مسافر انته ياگمر یل خالد انته هم شفت مثلك گمر سافر ابعيد يوزع بچفه عله شفاف الورد بوسة ضوه واشواگ ظل   15 نيسان 2014   * نشرت هذه القصيدة في جريدة (طريق الشعب) يوم الخميس 17 نيسان 2014
	Since 17/01/05.  web counter