كتابات أخرى للكاتب على موقع الناس

السبت 12/7/ 2008

الـى كـل مـن يحب العـراق وطنـاً 14 تمـوز عيـداً لــه . مــا مــــر الـصـبـح تـمـــوز ... ؟  حسـن حـاتـم المـذكــور خـل ليـل العـراق يطـول مـا مـر الصبـح زعـلان مـلـك ﮔـلـوب شـايــل صـرخــة المـغـلـوب بـعـيـونـه الـوطـن مـذلـول يـواكــح دمـعـة الـوسـفـــه ..... ويـعــض جـرحـــه .... تـفــز روحـــه ..... ويـفــز تـمـــوز عـلـى ﭽـتــاف الـﮕـمــر سـهـران يـنـشــد صـفـنـــة الـديــره ويـﮕـلـهـه هنــــاه ضـيـعـنـه الـوطــن غـفـلــه يــا جـيـل الـيـدور ويـــاه مـثـل فـزة صـبــح يلـﮕـاه مـتـوســد شـرايـيـنــه .................... يــا بـغــداد .... اجـيتـﭻ شـايــل الـغـربـــه وبـﮕــايـــه الـحـيـل بـﮕــايــه سـنـيـن مــا عـيـدن ولا مـــر بـعـمـرهــن عـيــد يــﭽـن والـجـنـازه هـلال يـنـشـدن بـالـسلف عـنـوان يــا بـغــداد .... لـيـش مـضـيـعـه عـنـوانــي ... ؟ لـيـش مـقـسـمــه عـنـوانــي ... ؟ حـصــه هـنـاك ... وحـصـه هـنـاه ............. يــا بـغـداد ... بــس عـنـوان وسـمـيــه وطـن وحـلـم بـيـه وواكـــح مـامـش الـمـامــش وبـشـر الـروح زخــة عـطــش عـلـى صـبـخـه الـصـبـر عـطـشـان بـس عـنـوان ... ؟ وﮔـولـن وطـن وفــرح بيـــه ذاك الـﭽـان مـزروع بـجـرح مـيـســان يــا ميســان بـس عـنـوان ... ؟ مـفـطـوم عـلـى نـسـمــة هــور يـخـضـر شـوﮒ بالـريــــه يــذبـل شـوﮒ بـالـريــه وحـظـنــه وطـن بالـريــه بــس عـنـوان ...؟ ﭽــنــه وطــن يـا ميسـان ................. ولـك يـا هــور بـس عـنـوان حــرف صـفـنــة ســمــﭻ وحـروف.... بـعـيـون الـطـيـور الشـارده مــن الـخــوف اجـمـعـهـن جـروح بـحـسرة الـبرهـان تـتـوسـد ذراع المــامــش جـروحــي وظـــل سـهـران اواكـــح لـيـل شـطـولـه والـصـبـر خـلـصــان ........... يــا بـغــداد ...؟ ذولــه الـبـاﮔــوا الـعـنـوان ذولــه الـقسـمـوا الـعـنـوان وحــروفـه بـﭽـن بـجـيـوبـهـم وسـفـه كـلـهـم بـاﮔـوا الـعـنـوان بـظـلـمــه شـبـاطـهــم طـفـوا صـبحـنـه بـعـيـي وعـيـنـﭻ ............... يــا دجـلـه شـكـثــر وكـحـــه تــرى الـنـام بـمـهـجـتـﭻ خـضــر بـعـيـنــﭻ ومـن دمـعـة زلالـــﭻ شــربـتــه الـنـسـوان مـشـــه بـدمـهـن ... وجــه بـدمـنـه كــريــم بـكـل شـرايـيـن الـوطـن شمـعـه كـريــم بـعـبـرة الـمـظـلوم والـجـوعـان ... والـعـريـان دمـعــه تـواســي الـدمـعــه ............ مــا عـنـدﭺ خـبـر بـغـداد ... ؟ مـلـك ﮔـلـوبـنـه مـا مـــر نـســه الـجـيـــه ... ؟ لـو جـرح الـعـراق الـبـيــه نــزف حـيـلــه بـعـيـد الـشـــر يـا بـغـداد ... مـلـك ﮔـلـوبـنـه مـغـدور وانـتـي بـعـرس واويـــه كـل وكـتـﭻ عــرس ودمـوعـنـه الـحـنـه وعـلـى وجـوه الشـمـاتـه مـا نشـف دمـنـه بـكـارة وطـن مـذبـوحــه بـخـنـاجـرنــه ............... يــا بـغـداد ... ؟ مــر لـيـل الـقـطـار الـراح وجــه لـيـل الـقـطـار الـجـاي مـر شبـاط ... وجـانـه شـبـاط ومـا مــر الـفـرج بـيـنـــه صـدﮒ ﭼـنـه الـصـبـح زعـلان وي حـسـبـة وطـن سـهـران ودمــوعــــه .... عـلـى جـنـاح الـسـمــه غـيـمـــه لا شـافـت ربـيـع الـمــات لا شـافـت صـبـر .. بـيـه الـصـبر ذبلان لا فـاضـت مـثـل طـوفـان لا زخـت فـرح جـيـــه ................. يــا تـمــوز ... ؟ مـنـتـظـره امـهـات الـنـاس الـك جيــه ومـا مـريـت ... ونـتـظـرت شـكـثـر زرعـوا رمـد بالـعـين ... ومـا دمـعـت شـكـثـر سـحـﮕــت وطـنـه جـيـوش ونـسـحـﮕــت وراح الـراح وبـﮕـيـنـه احـنـه بـشـمـسـنـه وﮔـاعـنــه والـجـاي فـرحـتـنـه بـعـيـون الـنـخـل والـهـور عـلـى غــرة جـبـلـنـه هـلال جــايـب عـيـد ... وعـيـديــه نـلـوﮒ الـهـه ... وتـلـوﮒ الـنــه هـلال المـا يـجـي غـيـره نـعـيـد بـيـه ... ونـلـبـس فـرحـة الـديــره ............. يــا تـمــوز .. ؟ شـكـثـر مـلـت هـظـمـهـه الـروح ومــا ﮔــالـت اه مـن لـﭽـمــة الـشـامـت شـالـت عـن جـرحـهـه الآخ وبـتـسـمـت يـا تـمـوز .. شـكـثـر عـرسـوا عـلـى بـغـداد ومــا عـرست ولا لـبـست تـراﭽــي نـجـوم ولا ثـوب الـحـزن نـزعـت بـس لـلـسـومـري الـمـغـلوب لــو غـالـب يـجــــي تـلـبـس لــه طـوﮒ هـلال وشـتـلــة حـسـن فـوﮒ خـدودهـه وردت .............. يــا تـمــوز ...؟ شـفـت روح الـشـهـيـد الـغـافـيـه عـلـباب تــريــد تـفــز وتـشـوفـك وطــن بالـبـاب وتـفـرح بـيـك ... مـلـك ﮔـلـوب عـلـى خـدود الـشـمـس مـكـتـوب يــا تـمــوز ... يـا عـيـد الـوطـن والـنـاس شـمـا مــر الـوكـت تـكـبــر ويـكـبـر عـيـدنـه ونـكـبــر ويـظّــل الـزغـار ... زغــار يــا غـيـمــة رمـد يـا زغـار تـمـرون ويـظـل تـمـوز فـيّ الـدار يـخـضــر بــالـثـنـيــه كــل شـهـيـد الـراح نـخـلـة دار وروحـــه مـشـابـﭻ ويــه الـروح مـثـل دمـعـــة رطـب ... سـهـرانــه ويـانــه ذولــه احـنـــه ... الـنـﮕــل لـلـﮕــاع شــدي الـحـيــل شـمـا غـيـبـة صـبـحـنــه اتـطـول نــظــل احـنــه .. وتـظــل الـدنـيـه دنـيـانـــه 14 / تـمــوز / 2008