كتابات أخرى للكاتب على موقع الناس

السبت 19/4/ 2008

شجرة نسب حسين جهيد الحافظ تناشدني وعلي تسأل تگول اِمنين آنه اِمنين .... أنه اِبنادم مثل باقي البشر مخلوق لحم ودم بذاني أسمع أشوف اِبعين لكن للكرامه آنه أضحي وأرخص الدنيه وأدگ عمرين آنه للوفه عنوان موش اِمنين اِبن تمّوز ... آنه واِسأل التاريخ تلگاني حقيقه واضحه اِبكل حين أنه هامة علي الما دنگت للذل ولا طخت أبد للشين أنه سيفه العظيم اللعلع اِبصفين أنه شيمة گمر هاشم وأنه دم الشهيد حسين كرم حاتم وفه مجنون أنه صبر المسيح وشيمة الطيبين أنه هانوي أنه كوبا أنه لاوس والأرجنتين أنه الحداد كاوه ورايته وعزمه أنه اِمن الصين أنه اِعراقي ولك عربي أنه اِفلسطين أنه هوشمنه و غاندي و حازم أنه خالد وأنه صارم فهد أنه وأنه قاسم ........ وأنه لينين أنه فديل كاسترو وأنه جيفاره وستالين أنه هور الوفه الدكن فخاتيه على سابع سمه اِنياشين هذا آنه فخر آنه واِلي ثوب الفخر منعوت لون اِنته فرد واحد دست متعمد اِبهرشه وحسبته اِيموت آنه آلاف يابوآلاف تسحگ عالمنايه اِتفوت نذر دمّهه اِعله راحتهه وتدوس الموت تجيك اِبشوك واِتغني وعزيز الصوت تجيك وصافيه النيه تغني ألحان شرقيه موال ونايل وچوبي وأبوذيه تــــــــــــرولاك يســالي اِنــشــد أيّامــك نولاك چثبره الزامطت طاحت ترولاك أنصحك يالوليت اِنصف ترولاك الدهر دولاب يللي اِگصيت بيه الدهر دولاب ما تدري اِبتواليه ولك يفتر... ولك يغدر... بعد وأكثر هدم گبلك عرش كسرى البناه اِبدم سحگ هتلر سحگ جيش التتروالروم ما همه سحگ ديلي - اِشكثر مغتر - اِنسحگ بالفاله والمگوار رجع للودتهه اِمگنطر اِنسحگ وآنه هذاك آنه.. ربيع أخضر تطوف الدنيه برياضه فجر منطر آنه للوفه بيرغ يگلك غاد ما تكدر جبل آنه الوكت گبلك عجز منّي وزلم گبلك زندهم جل زلم جانت تغني الفوگ فوگ الفوگ طخ بيهه وحدر نزل غدت مامش غدت هينوب ما تندل غدت وحشه وغطاهه البين واِنراب الوكت وحل غدت وآنه هذاك آنه أنه راية علي الهينوب ما تنذل آنه أيّوب ذاك أيّوب يا صبري الصبر منه شتل مشتل هذا آنه لون اِفلان فجره هل أوج شمعه أفض الشوگ عالوادم ورد قدّاح أطشن فرحتي اِرياحين هذا آنه وعلي تنشد تگول اِمنين اِبن تمّوز آنه ... آنه .. وآنه اِبن آذار آنه... آنه ,,,, نسل طيبين الفخر ثوبي واِلي اِنياشين