|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
 

     
 

 الجمعة  15  / 8  / 2014                                   كامل الركابي                        كتابات أخرى للكاتب على موقع الناس

 
 

 

العشب هو الوطن

كامل الركابي


نزلت الغيمة
على راس الشجر
كل غصن مد الها روحه
راد تمطر
الغيم راح بعيد عنها
وما مطر
اشگد بخيل الغيم
هذا الما مطر!

نزلت النجمة
على بيت الحبيب
المشتعل گلبه سهر
ومن حزن مد إلها روحه
بكل قهر
راد تضوي وما ضوت
اشگد بخيله النجمه
يم بابه طفت !

نزلت الضحكة
على شفافه
وگبل مايبتسم
اخذت وياها الشفايف
واختفت !

نزلت الكلمه على العود
الجميل المنفرد
راد يعزفها دفو
صارت برد
رجف حس العود
والتم الورد !

نزلت النقمة
على الخاسر قيامه
رسمت بگلبه
شكل خنجر
علامه !

نزلت الگطرة
على راس السجين
فرح اول مره بيها
وگبل اخر مرة
نزلت ع العيون
راسه وّج من التشتت
والجنون !

نزلت الريح بملح
فوگ السطوح
گبل ماتندمل
وتنام الجروح !

نزلت الايام
منسيه
على الغايب بعيد
صار منه الذاته
صندوگ
وبريد !

نزلت بروحي
مناجم من الم
الناس
تبحث بيها عن فضة
وفحم !

نزلت بروحي
الحرايق والمنافي
تشتعل هي بجمرها
وانه
طافي !

نزلت الخمره
على الرجلين بعد الراس
وتمايل بدن
صار باب البيت
ابعد
من عدن
نام بساحة العشار
عد ام البروم
والعشب بارد
اظن : هوّ الوطن !



 

 

 Since 17/01/05. 
free web counter
web counter