|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		السبت  21  / 6  / 2014                                   كامل الركابي                        كتابات أخرى للكاتب على موقع الناس
		غفوة حمام كامل الركابي نام لو تگدر تنام الليل خيّم والظلام هوّ خْذ من راسك اللاهب مخده وهوّ حط راسه عليها وهوّ نام وانت تتمنى ولو غفوة حمام ! واختلط صبح النهار وي الغروب ساهره بعينك دروب الدم طويله نهر يمتد من شمال البيت حد باب الجنوب واختلط وجه الغروب وي الظلام هوّ نام وانت تتمنى ولو غفوة حمام وامتلت عينك رماد وع الرمش نابت غبار وصارت الريح بعكس وجهك حْجار بيها دم وبيها خوف وبيها نار وانكشف وجه النهار وبعده ما فز الظلام بعده نايم وانت تتمنى ولو غفوة حمام ! احجار صوغ يل صايغ خواتم من عقيق المملكه تسبح بتعويذه بيها البركه وخذ من تاج الملوك شلون يترصّع بالاحجار الكريمة عدها قدره تجيب للمفقور للعايز غنيمة الحجر اول من نطق حرف الشهادة وحتى صار بْهيبته ورسمه عباده وانت بعدك تشبك الاصبع ابمحبس وثني اطرد الشيطان روح البس محابس من عقيق الجنه احمر يمني !
	Since 17/01/05.  web counter