|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
 

     
 

 الخميس  25 / 7 / 2013                                   كامل الركابي                        كتابات أخرى للكاتب على موقع الناس

 
 

 

ساكن الأسرار

كامل الركابي

سكن سره
الروح
مدري الخمره
تتشرب صلاته
طبع من الله
نبي
ومتفرد بذاته
ملحمة عيسى
وعصا موسى
بصفاته
خايف من الكون
والفالق البذره
وراجف
من البحر
خاف يصير گطره
نايم بورده زغيره
وصاحي
بنجوم وسمه
ساگي نبعه
وراوي من طبعه
الظمى
يا نديمي العين
لولا الروح
ما تبصر
يراودها العمى
وينطفي الحب
ما تعود
أتحس بعد
نبض الليالي الحالمه


منمسح بالزيت
تمسح ع العيون
أيدك أشجار
التوهج والسكون
نازفه أبجر حك
بسامير الصليب
شوك للورده حبيب
اسرار تكوينك
خذت شكل الصليب


يا شبيهي
يا ابن روحي انفتح باب العذاب
راح ننسه وجوهنه
وملمح طفولتنه البعيده من الغياب
منفي محسود وبعد حمره الخدود
وسنك من الذهب يلمع
كاولي أيبيع المحابس والنهود
شارد من العدم منفي أبها الوجود


الغربه خيمه
وانت ماسح ع الرمل وجهك مخدّه
گهوه مره
عمرك المشروب بأفراح وموّده
ذكرياتك سعف يابس
مطوي
والنسيان
تنور وشعل ماحامي بعده


غافي عالورده
حلم
غافي اعلى جمره
رطبّت روحك
وصارت
من خضار النخل
بصره
شطها لليوم بخيالك
شي مثل غيمه بعيده وبيها مطره !


دبي / بيت نادر قاسم
 

 

 

 

 Since 17/01/05. 
free web counter
web counter