كتابات أخرى للكاتب على موقع الناس

الأثنين 18/3/ 2013

لو اقنعك ... لو تقنعني ! د. مزاحم مبارك مال الله قال : يمعود يا انتخابات الله يخليك ! وقال : ما أريد أنتخب .. خو ما تجبرني ! وقال : ما عندي ثقة بكل القوائم ! وقال : حالكم حال الباقين .. بس حجي وقبض ماكو ! وقال : شفتهمنا ، أشو من سيئ الى أسوأ ! نعم أيها المتنفذون فقد أوصلتم أبناء الشعب الى هذه الحالة من اليأس والإحباط والأسف والتأسي والحسرة والندم، بأفعالكم وممارساتكم وبتفردكم واستحواذكم .. وبفسادكم الإداري والمالي ،وبافتعال الحرائق في المؤسسات الحكومية التي تشهد على التزوير والتلاعب ، باستغلالكم الدين والمتاجرة به ، وجميعكم يذم المحاصصة وأنتم من أوجدها، وجميعكم تبكون على المواطنة وأنتم بعيدون عنها ،وكلكم "يرى القشة في عين أخيه ولا يرى الخشبة في عينه" ـ كما قال السيد المسيح عليه السلام. قلت : سيدي ،لو خُليت ـ قُلبت ، ولكن هذا بلدنا مو بلد غيرنا ،الانتخابات كانت عنوان نقرأه والآن نمارسه ، أشوف الدنيا مو مثلك ، أكو أحزاب وأكو تنافس وأكو صوت عالي وأخر ناصي ، فالانتخابات حقك وعيب تتنازل عن حقك. وقلت : لا، ما أجبرك ، مو أني أللي أجبرك ،الوطن يجبرك ،غيرتك وحبك للعراق أتجبرك ،وحتى ما تكول هذا الكلام فلازم تشارك، حتى نخلص من شراذم الفساد والمحاصصة. وقلت : حقك ما عندك ثقة بالقوائم اللي استحوذت على البرلمان ومجالس المحافظات بالباطل ،بس قائمتنا مو منهم، ولأن أحنا شرفاء ورايتنا بيضة ،جيروا قانون الانتخابات ألهم ،لكن بحملة الوطن كله ،حملة "لاتسرق صوتي" الحق ما ضاع ورجع للشعب ،قائمتنا هي عنوان الوطن والوطنية والتاريخ يشهد الها. وقلت : أحنة مو مثل الباقين ،لأنهم حِجوا وأستلموا السلطة بس ما وفوا، أحنه حجينا صار عشرات السنين نحجي ونعمل واناضل، بس ما خلونا نستلم السلطة لأن يعرفون راح يفلسون من كل شي، فتأمروا علينا وذبحونا وعبالهم قضوا علينا ، وبعدهم ويبقون ما ينامون الليل من ورانا لأن أحنه ألهم بالمرصاد، بس، أريد أسألك/ أنت قريت برنامج قائمتنا ؟ أقراها وناقشني على كل كلمة بيها. فقال : لا والله ما قريتها ، بس سمعت أصدقائي ، واحد حلفوه ، والثاني أنطوه ، والثالث عزموه ، والرابع هددوه ، والخامس أنا وياه مكافش ،هو الوحيد ، اللي معاند ، كاتل روحه على الوطن والشعب (يريد يقضي على الفساد وعلى المحاصصة ، وعلى الفقر وعلى الجهل وعلى المرض ويريد التأخي والتسامح والبناء والعمران ، يريد يوزع الأراضي ويبني شقق سكنية، يوفر كهرباء وماي حلو ، يريد يرجع المدارس للحكومة ويحدد كشفيات الأطباء وأسعار الأدوية ، يسولف بحقوق المرأة والطفل،والأفندي يريد يقضي على البطالة ويعمل على أزدهار السياحة الدينية، يريد يشيل الحواجز والسيطرات، والنوب يريد يشغل المعامل الواكفة ،ويوزع السماد للفلاحين ، يريد يكثر المستشفيات والنوادي الاجتماعية ،ويريد يرجع كل العراقيين من كل الطوائف للبلد ، وقائمته 422، يحجي مثل حجيك، وحجيكم كله صح (وأنا أقتنعت)، بس هو شيوعي ! خوية أكلك كون أنت شيوعي !!