|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأحد  3  / 1 / 2016                                 ميسون نعيم الرومي                                  كتابات أخرى للكاتبة على موقع الناس
		هـذي قـصتي اويـه الـزَمـَـن ميسون نعيم الرّومي (موقع الناس) عـَـلـَّمـتـني اشـلـون اسـكـت وانـتـظـر – عـَـلـَّمـتـني اشـلـون احچي اويـه الگـمـَر واحـسب آنـَه اويـاك حَبـّات المـطـَر – واكـتـب اشـعـاري عـلى اوراق الـشـَـجـَر يـالـّي أبـدا ًما وفـيـــت مـن غـرورك ما شـفـيـت ضاع عـرفـَـك ما دريـت جـَـمر اوصفـَه ارماد!وابـروحي هـفـَت – لـو زرعـت ابـدَغل تحصد بس قهـر عـَـلـَّمـتـني اشـلـون اسـكـت وانـتـظـر *** عـَـلـَّمـتـني الـدَمع حـدَّه اويـه الجـفـن – عـَـلـَّمـتـني الروح تـغـْرَگ بالحزن الگـَـلب مـَلچـوم جـَرْحـَه اوهاليـون – عـَـلـَّمـتـني افـنـون واشـكال المـِحـَـن وانـتَ وَعـْـدَك چـَـن ضبـاب بـاب گـَـلـْبـَـك والـف بـاب كـلـْهـَه تـركض عَ السـَراب اتـراوي عـَـنـبـَر حـيـف واتـبـيـع الـدخـن – گالو العـَـب لـعـِب لعـْبات الدهـَر عـَـلـَّمـتـني اشـلـون اسـكـت وانـتـظـر *** عـَـلـَّمـتـني لاتراهن تخسر اودوم الرهان – عـَـلـَّمـتـني الچان والكان اومـَـكـان شـَـوفـتـني اشـلون نكـبات اشكـثـرهذا الزمان – خايـن او ما أبـَـد ماعـندك أمآن دولاب هـالـبـيـنـَه اويـدور لاهي ظـَـلـْمـَه اولاهي نـور طاحـَـت انـهـدمـَت جـسـور هايـه قـصتي امـعـارَك اويـاي الـزَمان – يـاغـربـتي مـثـل سـَـوّاح ابـسـَـفـَـر عـَـلـَّمـتـني اشـلـون اسـكـت وانـتـظـر عـَـلـَّمـتـني اشـلـون احچي اويـه الگـمـَر   2 / جانوري / 2016 ســــــــــتوكهولم
	Since 17/01/05.  web counter