ناصر الثعالبي

كتابات أخرى للكاتب على موقع الناس

 

 

الجمعة 26/10/ 2012

مفارقات ناصر الثعالبي شفت ليل ابحزن يسأل غربته وشفت غربه تبوس الليل بوسات تون من يغرك الليل بسكته تسولف ع الفجر وين ألفجر بات وتلوليله ابعتب يسبك دمعته ياليل ألغريب إشكد حجي بيك يضل همك يدور اشما منعته أسولفلك وانا بدنياك مفتاح على بابك تسولفله عتبته أنا ابيا دار تايه وين ملكاك؟؟ نجم روحه تشع أبنص محنته أغنيلك حزن غربة السبعين ولم ايامها اولما حسبته تنام اوياي شوغة وطن مجروح نفض روحه وتبره من شركته كبر كبل السنين أوكبل آشور يحشم يازلم وتلم كبرته؟ شفت بعيون دم الناس تاريخ وشفت ثورة غضب تسحك مذلته وشفت عمال يم بابه يغنون وبجفوف التعب تكتب محبته ألوطن موكاع وأنهار او بساتين ألوطن دم العراقي إبكل نخوته فنراي